2009-yilgi Dunyo go‘zali Gibraltar meri etib tayinlandi

“Dunyo go‘zali—2009” maqomi sohibasi Kayane Lopes Gibraltar meriga aylandi, deb yozadi “Korrespondent.net”.

30 yoshli Lopes Gibraltar tarixidagi eng yosh mer bo‘ldi. Mahalliy OAVlar uni, shuningdek, “dunyodagi eng go‘zal mer” deb atadi.

“Gibraltar Buyuk Britaniyaga tegishli va doim uning bir qismi bo‘lib qoladi”, — dedi Lopes.

Bungacha qiz Gibraltar meri Adolfo Kanepaning o‘rinbosari lavozimida ishlagan.

Gibraltar meri — mahalliy parlament a’zolari tomonidan tayinlanadigan rasmiy lavozim. Uning majburiyatlariga rasmiy ma’muriy ishlar kiradi. Buyuk Britaniyaning dengiz ortidagi ushbu hududi meri maosh olmaydi.