Germaniya rasmiylari ijtimoiy tarmoqlarni soxta yangiliklar tarqatgani uchun 50 mln yevrogacha jarimaga tortishi mumkin

Germaniya hukumati nafratni avj oldirgani va soxta yangiliklar tarqatgani uchun ijtimoy tarmoqlarni jarimaga tortish haqidagi qonun loyihasini qo‘llab-quvvatladi. Bu haqda “Kommersant” ma’lum qildi. 

Jarima miqdori 50 million yevrogacha borishi ko‘zda tutilgan. 

Qonun loyihasiga ko‘ra, jarimalar ijtimoiy tarmoqlarning yuqori martabali menejerlariga ham qo‘llanadi. Ular 5 million yevrogacha jarimaga tortilishi mumkin. 

Qonun loyihasi bolalar pornografiyasi va terrorizmga da’vat deb hisoblanadigan xabarlarga tegishli bo‘ladi. Ularni tarmoqdan chiqarib tashlash uchun 24 soat vaqt beriladi. 

Mazkur qonun loyihasi shu ko‘rinishda qabul qilinsa, Germaniyada ijtimoiy tarmoqlar faoliyatiga qo‘yilgan talablar dunyodagi eng qattiqqo‘l shartlar bo‘lishi bildirilmoqda.

“Daryo”ning Telegram’dagi rasmiy kanali — @toshqindaryo’ga a’zo bo‘ling!