AQShning BMTdagi doimiy vakili: Tramp Rossiya siymosida muammoni ko‘radi

AQSh prezidenti Donald Tramp Rossiya siymosida muammoni ko‘radi. Bu haqda AQShning BMTdagi doimiy vakili Nikki Xeyli ma’lum qildi, deya xabar beradi “TASS”. 

“Prezident men bilan suhbatda Rossiya siymosida muammoni ko‘rishini aytdi. Shaxsan o‘zim Rossiyani necha bor tanqid qilganimni hisoblasam, sanoqda adashib ketishim mumkin. Agar ular o‘zini noto‘g‘ri tutadigan bo‘lsa, xatolari nimadan iborat ekanligini ko‘rsatib o‘tamiz”, — deya ta’kidladi Nikki Xeyli. 

Doimiy vakilga ko‘ra, AQSh “Rossiyaning Qrim va Ukrainadagi qilmishlari, Asadni himoya qilib kelayotganligiga ko‘z yumilishiga yo‘l qo‘ymaydi”.

“Daryo”ning Telegram’dagi rasmiy kanali — @toshqindaryo’ga a’zo bo‘ling!