Foto: Uch oyoqli it multfilmsifat panjalar tufayli Instagram’da mashhur bo‘lib ketdi

Amerikalik Charli Desrochers va uning dugonasi Marinyan uch oyoqli Bredli laqabli itni o‘z qaramog‘iga olib, Instagram’da unga atalgan alohida sahifa ochdi. Sahifada itning har bir suratiga multfilmsifat ko‘rinishidagi panjalar chizilgan, deb yozadi Mashable.

Bredlini mashina urib yuborganidan keyin uning oyog‘ini kesib tashlashga to‘g‘ri keldi. Itning yangi egalari uning o‘ziga xosligini qiziq ko‘rinishga aylantirishga qaror qilib, suratlarga oyoq va panja rasmini chizishni boshladi.

Desrochers itining suratlariga qo‘shimcha panja chizishdan tashqari, uning panjasi nimani ushlab turishini o‘ylab, turli g‘oyalar ishlab chiqadi: suratlarda itning chizilgan panjasi kofe, kitob va to‘pni ushlab turganini ko‘rish mumkin.

“Daryo”ning Telegram’dagi rasmiy kanali — @toshqindaryo’ga a’zo bo‘ling!