Eronda Ukrainaning Boeing 737 samolyoti quladi. Bortda 180 yo‘lovchi bo‘lgani aytilmoqda

Ukrainaning Boeing 737 layneri Imom Xumayniy nomidagi Tehron xalqaro aeroportidan havoga ko‘tarilganidan ko‘p o‘tmay, halokatga uchradi. Bu haqda Eronning Tasnim agentligi xabar bermoqda.

Samolyot bortida 180 yo‘lovchi bo‘lgan. Qurbonlar haqida hozircha axborot yo‘q. Avariya “texnik muammolar” tufayli yuz bergani aytilmoqda.

Ma’lumotlarga ko‘ra, gap “Ukraina xalqaro avialiniyalari” aviakompaniyasining “Tehron—Kiyev” yo‘nalishi bo‘ylab parvoz qilgan PS 752 reysi haqida bormoqda. Samolyot jadval bo‘yicha 5:15 da havoga ko‘tarilgan edi.