"Tallimarjon" IESdagi avariya sabab O‘zbekistonda elektr ta’minotida uzilishlar kuzatilmoqda

Ayni paytda “Talimarjon issiqlik elektr stansiyasi”(IES)ning elektr energiyasi ishlab chiqarishga mo‘ljallangan qurilmasida nosozlik tufayli ta’mirlash ishlari olib borilmoqda. Bu haqda Energetika vazirligi matbuot xizmatiga tayanib, O‘zA xabar berdi.

Ta’mirlash ishlari sabab O‘zbekistonning ayrim hududlarida elektr energiyasida uzilishlar kuzatilmoqda.

Issiqlik ta’minotidagi nosozlik bartaraf etilgach, joylarda elektr energiyasi bilan ta’minlash yaxshilanadi.

Energetika vazirligi keltirilgan noqulayliklar uchun iste’molchilardan uzr so‘raydi.