Toshkentda ta’mirlash ishlari sabab Mirzo Ulug‘bek tumanidagi yo‘llardan biri yopiladi

29—31-yanvar kunlari Mirzo Ulug‘bek tumanidagi Mirzo Ulug‘bek va Mo‘minova ko‘chalari oralig‘ida joylashgan Olimlar ko‘chasidagi yo‘l avtomobillar harakati uchun vaqtincha yopiladi. Bu haqda Toshkent shahar hokimligi matbuot xizmati xabar berdi.

Yo‘lning yopilishiga ushbu ko‘chada olib boriladigan ta’mirlash ishlari sabab bo‘lmoqda.

Mavzuga doir: Toshkentda 12 ta avtobus yo‘nalishi vaqtincha o‘zgardi

“Keltirilgan noqulaylik uchun uzr so‘raymiz”, — deyiladi Toshkent shahar hokimligi matbuot xizmati axborotida.