Greta Tunberg ism-sharifini tovar belgisi sifatida ro‘yxatdan o‘tkazishga qaror qildi

Shvetsiyalik ekofaol Greta Tunberg ism-sharifi va o‘zi asos solgan jamoat harakati nomini tovar belgilari tariqasida ro‘yxatdan o‘tkazishini ma’lum qildi. Bu haqda “Kommersant” xabar bermoqda.

U savdo belgilariga umuman qiziqmasligi, biroq shunday yo‘l tutishga majbur bo‘layotganini bildirgan.

“Mening va #FridaysForFuture harakati nomi muntazam ravishda hech qanday so‘roqsiz tijoriy maqsadlarda foydalaniladi. Foyda olish maqsadida mening nomimdan ish ko‘radigan odamlar bor. Tunberg yoki harakat nomidan tovarlar sotilishi yoki pul yig‘ilishi holatlari qayd etilgan. Shuning uchun ism-sharifim va harakat nomini tovar belgilari sifatida ro‘yxatdan o‘tkazish uchun ariza berdim”, — deya ta’kidlagan 17 yoshli o‘quvchi.