Lionel Messi va Xerard Pike o‘rtasida janjal yuzaga keldi

“Barselona” hujumchisi Lionel Messi jamoadoshi Xerard Pike bilan tortishib qoldi, deya xabar qilmoqda AS.

Ta’kidlanishicha, janjal “Barselona”ning tongi mashg‘ulotida ro‘y bergan. Ularning biri boshqasini axloqsizlikda ayblagan, buning natijasida Messi va Pike baland ovozda tortishishni boshlagan. Keyinroq o‘yinchilar hotirjam tortgan va janjal to‘xtagan.

AS’ning yozishicha, Kike Setyen “Barselona” bosh murabbiyiga aylanishi bilan jamoa ichki muhitida keskinlik yuzaga kelgan.

“Barselona” 22 turda 46 ochko to‘plagan holda La Liga musobaqa jadvalida ikkinchi o‘rinda bormoqda va peshqadam “Real”dan ikki ochko ortda qolmoqda.

Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @daryo_sport’ga obuna bo‘ling!