Hindistonda “ilon avrovchi” tomoshasida kobra sayyohning yuzidan chaqib oldi (video)

Hindistonning Rojasthon shtatida “ilon avrovchi” tomoshasi uning ishtirokchilaridan biri uchun fojiali yakunlandi. Kameraga suratga tushayotgan erkak kobra chaqishidan halok bo‘ldi. Bu haqda Daily Mail xabar bermoqda, deb yozadi “Kazinform”.

Hodisa guvohi qadimiy hind marosimini videoga olgan. Ilonning qurboniga aylangan sayyoh dastlab uning chaqib olganligini payqamaganligi ma’lum qilinmoqda.

Biroq bir necha daqiqadan so‘ng u atrofdagilardan yordam so‘ragan, hushidan ketgan va o‘ziga kelmasdan vafot etgan.