Navoiyda tadbirkorlik qilmoqchi bo‘lgan fuqaro 260 mln so‘mga “uxlatib” ketildi

Navoiy viloyatida 26 yoshli fuqaro firibgarlik qurboni bo‘ldi. Bu haqda IIV huzuridagi Tergov departamenti xabar bermoqda.

Qayd etilishicha, 18-fevral kuni 26 yoshli M.K. firibgarlik jinoyati bo‘yicha Navoiy shahar IIBga ariza bilan murojaat qilgan.

Unda MChJ rahbari 32 yoshli F.E. birgalikda tadbirkorlik bilan shug‘ullanishni taklif qilib, 2019-yil sentabr oyida undan 260 million so‘m pul olib, shu kunga qadar bergan va’dasini bajarmay, pullarni o‘z ehtiyoji uchun ishlatib yuborganligini bildirgan.

Hozirda holat yuzasidan Jinoyat Kodeksining 168-moddasi 4-qismi “a” bandi (firibgarlik) bilan jinoyat ishi qo‘zg‘atilgan. Tergov harakatlari davom etmoqda.

Mavzuga doir: