Italiyaga yoyilayotgan koronavirus, salkam 2 mlrd so‘mlik jarima, Turkiyadagi zilzila. 23-fevralning eng qiziqarli suratlari
23-fevral, yakshanba kuni dunyoning turli burchaklarida olingan eng qiziqarli suratlar jamlanmasini taqdim etamiz.
Uxan, Xitoy
Koronavirus tufayli darvozasi yopib qo‘yilgan turar-joy majmualaridan biri.
Las-Vegas, AQSh
Britaniyalik bokschi Tayson Fyuri WBC kamari uchun Deontey Uaylderga qarshi jang oldidan ringga chiqib kelmoqda. Fyuri jangda muddatidan oldin g‘alaba qozondi.
San-Paulu, Braziliya
Karnaval paradida chiqish qilayotgan Tom Mayor samba maktabi raqqoslari.
Yakkasaroy, Toshkent
Yunus Rajabiy ko‘chasida noqonuniy kesilgan daraxtlar o‘rniga yangi daraxtlar ekildi.
Yunus Rajabiy ko‘chasida 81 ta daraxtni noqonuniy kesgan ikki kishidan 1 milliard 891,3 million so‘m moddiy zarar undirildi.
Italiya
Italiyaning Kazalpusterlengo munitsipaliteti tashqarisidagi supermarketga navbatda turgan odamlar. Koronavirus tufayli Kazalpusterlengoga kirish va chiqish taqiqlandi.
Mavzuga doir: Italiyada koronavirus bilan kasallanganlar soni 100 nafardan oshdi
Ahmadobod, Hindiston
Politsiyachilar Sardor Patel nomidagi stadion yaqinidagi Narendra Modi va Donald Trampning surati tushirilgan reklama banneri oldidan o‘tmoqda. Hindistonga davlat tashrifi davomida Tramp bu yerda chiqish qilishi rejalashtirilgan.
Beri, Lankashir
Tunda yoqqan kuchli yomg‘irdan keyin suv bosgan maydon yonidan o‘tayotgan yo‘lovchi poyezdi.
Seul, Janubiy Koreya
Milliy liboslarda Kyonbokkun saroyiga tashrif buyurgan niqob taqqan turistlar.
Mavzuga doir: Janubiy Koreya koronavirusning jahondagi uchinchi eng yirik o‘chog‘iga aylandi. Hammasiga mahalliy diniy sektaga a’zo ayol sababchi
Van, Turkiya
Eron bilan chegara yaqinida sodir bo‘lgan zilziladan keyin olib borilayotgan qidiruv-qutqaruv ishlari. Hodisa oqibatida hozirgacha 9 kishi hayotdan ko‘z yumgani ma’lum qilindi.
Denver, AQSh
Demokratlar partiyasidan AQSh prezidentligiga nomzod Pit Buttijich o‘z tarafdorlari qarshida chiqish qilmoqda.
Mavzuga doir: Berni Sanders demokratlarning Nevadadagi kokusida g‘olib chiqdi
Venetsiya, Italiya
Karnaval libosini kiyib olgan ayol va niqobdagi politsiyachi.
Mavzuga doir: Koronavirus sabab A Seriyaning 3 ta o‘yini qoldirildi
Minsk, Belarus
Belarusda vatan himoyachilari kuni nishonlandi.
Nyu-Deli, Hindiston
Musulmonlarni kamsituvchi qonunni yoqlovchilar va unga qarshilar bir-biriga tosh otmoqda.
Gvadalaxara, Meksika
Hayvonot bog‘idagi paxta boshli tamarinlar.
Kanar orollari, Ispaniya
Syorferlar dengiz sari yurib bormoqda. Qum bo‘roni tufayli dengizda ko‘rish masofasi 400 metrgacha qisqargan.
Tegu, Janubiy Koreya
Himoya kiyimlarini kiyib olgan ishchilar bozorni dezinfeksiya qilmoqda. Koronavirus tufayli mamlakatda hozirgacha 6 kishi vafot etdi.
Mavzuga doir: Samsung koronavirus bilan kasallangan xodim sababli Janubiy Koreyadagi korxonalaridan birini yopdi
La Tzuma, Shveysariya
Skicolor tadbiridagi chang‘ichilar.
Avvalgi kunlarning fotogalereyalari:
Manba: Daryo.uz
Добавить комментарий!
- отсутствуют