Koronavirus sabab qoldirilgan “Yuventus” — “Inter” uchrashuvi 9-mart kuni bo‘lib o‘tadi

Futbol bo‘yicha Italiya chempionatining 26-turidan o‘rin olgan “Yuventus” va “Inter” jamoalari o‘rtasidagi qoldirilgan bahs 9-mart kuni bo‘lib o‘tadi.

Football Italia’ning xabar qilishicha, A Seriya klublari va Italiya futbol federatsiyasi o‘zaro kelishgan holda o‘yinlarni 13-mayda emas mart oyida o‘tkazish qaroriga kelgan. Avvalroq koronavirus tufayli A Seriyaning beshta o‘yini 13-may sanasiga ko‘chirilgani xabar qilingandi.

Shu tariqa “Yuventus” — “Inter”, “Milan” — “Jenoa” va “Parma” — SPAL o‘yinlari 9-mart kuni bo‘lib o‘tadi. “Sampdoriya” — “Verona” hamda “Udineze” — “Fiorentina” uchrashuvlari esa mos ravishda 7 va 8-mart sanalarida o‘tkaziladi. Katta ehtimol bilan mazkur bahslar tomoshabinlarsiz o‘tadi.

Buning natijasida qolgan tur o‘yinlarida o‘zgarishlar kuzatilishi mumkin.

Ma’lumot uchun, 27—29-mart kunlariga A Seriyaning 27-tur uchrashuvlari belgilangan.

Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @daryo_sport’ga obuna bo‘ling!