Angliya Kubogi. Igaloning dubli “Manchester Yunayted”ga chorak final yo‘llanmasini taqdim qildi
Futbol bo‘yicha Angliya Kubogi 1/8 final bahslari doirasida 5-mart, payshanba kuni “Derbi Kaunti” — “Manchester Yunayted” uchrashuvi bo‘lib o‘tdi.
So‘nggi chorak finalchi nomini aniqlab bergan bahsda Odion Igaloning dubli hamda Lyuk Shouning goli evaziga “qizil iblislar” g‘alabaga erishdi.
Eslatib o‘tamiz Angliya Kubogida chorak final o‘yinlari 20—22-mart kunlari bo‘lib o‘tadi. Unda quyidagi juftliklar o‘zaro kuch sinashadi:
“Sheffild Yunayted” — “Arsenal”,
“Nyukasl” — “Manchester Siti”,
“Norvich” — “Manchester Yunayted”,
“Lester” — “Chelsi”.
1/8 final bahsi
5-mart, payshanba
Gollar: 0:1 – 33 Shou, 0:2 – 41 Igalo, 0:3 – 70 Igalo.
“Derbi Kaunti”: Ros, Forsit, Bogl, Lou, Nayt, Evans, Lourens (Uittaker, 44), Berd, Sibli (Shinni, 80), Uoghorn (Merriott, 67), Runi.
“Manchester Yunayted”: Romero, Diogu Dalot, Bayi, Lindelyof, Shou (Uilyams, 80), Lingard, Fred (Marsyal, 73), Maktomini, Brunu Fernandesh (Pereyra, 67), Mata, Igalo.
Ogohlantirishlar: Shou (17), Runi (45), Bayi (64), Uilyams (90).
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @daryo_sport’ga obuna bo‘ling!
Manba: Daryo.uz