Video: Namanganda Lacetti haydovchisi yo‘lovchi qiz mashina lyukidan chiqib raqs tushgani uchun jarimaga tortildi

Namangan viloyati “To‘raqo‘rg‘on” mahallasida yashovchi 1996-yilda tug‘ilgan haydovchi yo‘l harakati qoidalariga rioya etmagan yo‘lovchi qiz sabab jarimaga tortildi. Bu haqda IIV YHXBB matbuot xizmati xabar berdi.

“Yo‘lga qarab ketayotganimda yo‘lovchi qiz birdaniga lyukdan chiqib oldi. Avariyaviy holatni keltirib chiqarganim uchun hammadan uzr so‘rayman va bu holat boshqa qaytarilmaydi, deb so‘z beraman”, — deydi haydovchi.

Avvalroq Toshkentda avtomashinaning lyukidan ikki qizni yarim-yalong‘och chiqarib olib, harakatlangan Lacetti haydovchisi aniqlanib, jarimaga tortilgan edi.