Xitoy TIV vakili koronavirusni Uxanga amerikalik harbiylar olib kelganini taxmin qildi

Xitoy Tashqi ishlar vakili Chjao Litszyan koronavirusni Uxanga amerikalik harbiylar olib kelgan bo‘lishi mumkin, degan fikrda. Bu haqda “RIA Novosti” xabar bermoqda.

“Ochiqchasiga ayting! O‘zingizning ma’lumotlaringizni e’lon qiling! AQSh buni bizga tushuntirib berishi kerak”, — deb yozgan xitoylik diplomat o‘zining Twitter’ida.

2/2 CDC was caught on the spot. When did patient zero begin in US? How many people are infected? What are the names of the hospitals? It might be US army who brought the epidemic to Wuhan. Be transparent! Make public your data! US owe us an explanation! pic.twitter.com/vYNZRFPWo3

— Lijian Zhao ??? (@zlj517) March 12, 2020

U bu taxminni AQSh kasalliklarni oldini olish markazi rahbari Robert Redfild Vakillar palatasida so‘zlagan nutqiga asoslanib aytgan. Robert Redfild o‘z nutqida grippdan vafot etgan bir necha amerikaliklarning jasadlari tekshirilganda ularning tanasida koronavirus topilganini aytgan.

Shuningdek, Xitoyda koronavirus bilan kasallanish bo‘yicha dastlabki holat dekabr oyida emas, 17-noyabrda aniqlangani ma’lum bo‘lgan.

Xitoy Tashqi ishlar vazirligida bu ma’lumot tasdiqlanmagan. Vazirlik virusning kelib chiqishi bo‘yicha olimlar shug‘ullanishi lozimligini ta’kidlagan.

Bundan tashqari, olimlar ham kasallik haqidagi ma’lumotga o‘zgartirish kiritgan. Ular Lancet tibbiy jurnalida chop etilgan tadqiqotda koronavirus epitsentri hisoblangan Uxan shahridagi kasalxonalarga yotqizilgan bemorlar ma’lumotlarini tahlil qilgan. Natijada, koronavirus inson tanasida 14 kundan ortiq saqlanib qolishi, infeksiyaga chalingandan keyin 5 haftadan ko‘proq yoki 37 kun ushlanib qolishi aniqlandi.