“Atletiko” futbolchilarining maoshini 70 foizga qisqartirdi

“Atletiko” klubi futbolchilari va murabbiylar shtabi koronavirus tufayli yuzaga kelgan inqiroz paytida maoshlarning 70 foizgacha qisqarishiga rozilik berdi, deya ma’lum qilmoqda klub rasmiy sayti.

Ta’kidlanishicha, futbolchi va murabiylar maoshining qisqarishi klubning qolgan 430 xodimiga to‘lanadigan pul miqdori oshishiga xizmat qiladi. Avvalroq klub xodimlarini ishsizlik nafaqasini to‘lagan holda ta’tilga chiqarib yuborgandi.

Shu tariqa, yiliga 37,2 million yevro maosh oladigan “Atletiko” bosh murabiyi Diyego Simeone oyida 2,15 million yevrodan yo‘qotib boradi.

Mavzuga doir: “Real” futbolchilarining maoshi uzog‘i bilan 10 foizga kamayadi. “Barselona” 70 foizga qisqartirgandi

Avvalroq “Barselona” futbolchilari maoshining 70 foizidan voz kechishi ma’lum bo‘lgandi. Bu haqda jamoa sardori Lioenel Messi Instagram sahifasi orqali e’lon qilgandi.

Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @daryo_sport’ga obuna bo‘ling!