Video: Qashqadaryoda karantin qoidalarini buzgan fuqarolarning velosipedlari jarima maydoniga joylashtirilmoqda

Qashqadaryo viloyatining Qarshi hamda Shahrisabz shaharlarida karantin qoidalarini buzgan fuqarolarga tegishli velosipedlar jarima maydoniga joylashtirilmoqda. Bu haqda “Daryo”ga viloyat IIB axborot xizmati rahbari Iroda Rasulova ma’lum qilmoqda.

6-aprel, dushanba kuni, Qarshi shahrida 300 dan ortiq, Shahrisabz shahrida esa 16 ta velosiped jarima maydoniga joylashtirilgan.

Iroda Rasulovaning ma’lum qilishicha, jarima maydoniga joylashtirilgan velosipedlar karantin davri tugagunga qadar ushlab turiladi.

Eslatib o‘tamiz, 6-aprel soat 6:00 dan e’tiboran Toshkent va Nukus shaharlari hamda viloyat markazlarida mototransport (skuter) hamda velosipedda harakatlanish karantin davrida vaqtincha cheklandi.

Mavzuga doir: