“Barcha bombalarning onasi” yordamida berilgan zarba oqibatida kamida 90 nafar jangari yo‘q qilingan

Afg‘onistondagi IShID marralariga “barcha bombalarning onasi” yordamida zarba berilishi oqibatida kamida 90 nafar jangari halok bo‘lgan. Bu haqda Meduza xabar bermoqda.

Zarbani qabul qilgan Afg‘onistonning Achin tumani rahbarining AFP’ga ma’lum qilishicha, hodisa oqibatida 92 kishi halok bo‘lgan. Uning so‘zlariga ko‘ra, tinch aholi vakillari va harbiylar orasida qurbonlar yo‘q. Nangarhor viloyati vakili esa Associated Press agentligiga 94 kishi o‘lganini ma’lum qildi.

Avvalroq Afg‘oniston hukumati zarba oqibatida 36 nafar jangari yo‘q qilinganini bildirgan edi. IShIDga aloqador Amaq agentligi esa AQSh aviazarbasi oqibatida tashkilot jangarilari halok bo‘lgani haqidagi xabarlarni rad etib chiqdi.

“Daryo”ning Telegram’dagi rasmiy kanali — @toshqindaryo’ga a’zo bo‘ling!