APLda mavsum ramziy terma jamoasi tuzildi. Eng ko‘p futbolchi “Liverpul”dan

Angliyaning Sky Sports nashri futbolchilarning statistik ko‘rsatkichlariga tayanib Premyer Liga ramziy terma jamoasini tuzib chiqdi.

Nashr Power Rankings tizimi asosida har bir futbolchining reytingini hisoblab chiqqan. Unda 34 xil statistik ko‘rsatkich hisobga olingan — boshdan tortib, samarali uzatma va to‘pni olib qo‘yishgacha. Masalan, har bir gol yoki g‘alabali uchrashuv o‘yinchiga ochko qo‘shadi, to‘pni yo‘qotish yoki penaltidan foydalana olmaslik esa aksincha — ochko yo‘qotilishiga sabab bo‘ladi. Bu uslub har bir chiziqda eng yaxshilarni aniqlash imkoniyatni yaratdi.

Ramziy terma jamoa bilan tanishing:

Darvozabon: Kasper Shmeyxel (“Lester”);

Himoyachilar: Trent-Aleksandr Arnold (“Liverpul”), Virjil van Deyk (“Liverpul”), Jeyms Tarkovski (“Byornli”), Endryu Robertson (“Liverpul”);

Yarim himoyachilar: Kevin de Bryuyne (“Manchester Siti”), Jeyms Meddison (“Lester”), Jek Grilish (“Aston Villa”);

Hujumchilar: Sadio Mane, Muhammad Saloh (ikkisi — “Liverpul”), Raul Ximenes (“Vulverhempton”).

Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @daryo_sport’ga obuna bo‘ling!