Samarqandda hayvonot bog‘i quriladi, shaharning Nurafshon ko‘chasi obodonlashtiriladi

O‘zbekiston Prezidenti Shavkat Mirziyoyevga Samarqand shahrining Dahbed ko‘chasidan Payariq tumanidagi Imom Buxoriy majmuasiga olib boruvchi Nurafshon ko‘chasini obodonlashtirish loyihasi haqida ma’lumot berildi. Bu haqda O‘zA xabar bermoqda.

Nurafshon ko‘chasida olib boriladigan bunyodkorlik ishlari natijasida atrofdagi eski va bugungi kun talablariga javob bermaydigan inshootlar shaharsozlik talablari asosida ta’mirlanib, ijtimoiy obyektlar quriladi.

O‘zbekiston Prezidenti shahardagi Jomiy ko‘chasidagi Yoshlar markazini rekonstruksiya qilish, hayvonot bog‘i qurish loyihalarini ko‘zdan kechirar ekan, bu boradagi ishlarni aholining fikri va talablari asosida amalga oshirish, milliy me’morlik va zamonaviy arxitektura an’analarini hisobga olish bo‘yicha ko‘rsatmalar berdi.

“Daryo”ning Telegram’dagi rasmiy kanali — @toshqindaryo’ga a’zo bo‘ling!