Koronavirus sabab futbol bo‘yicha Xalqaro Chempionlar Kubogi ham bekor qilindi

Futbol bo‘yicha Xalqaro Chempionlar Kubogi—2020 musobaqasi koronavirus sabab bekor qilindi. Bu haqda musobaqa matbuot xizmati ma’lum qildi.

“Futbolchilar, xodimlar, muxlislar va bizning o‘yinlarda ishtirok etadigan barchaning sog‘lig‘i birinchi o‘rinda turadi. Cheklovlarning qachon tugashi va Yevropa futbolidagi taqvimning mavhumligi sabab ushbu yozdagi Xalqaro Chempionlar Kubogi musobaqasi bekor qilindi”, — deyiladi musobaqa Twitter’ida.

Xalqaro Chempionlar Kubogi — yozda o‘tkaziladigan klublar o‘rtasidagi o‘rtoqlik musobaqasi. Unda Yevropa va dunyoning ko‘plab top-klublari turli mintaqalarda bahs olib boradi.

Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @daryo_sport’ga obuna bo‘ling!