Yaponiyadagi Osaki shahri rasmiylari yanglishib, aholini raketa zarbalari haqida ogohlantirdi

Yaponiyaning Miyagi prefekturasidagi Osaki shahri rasmiylari aholini shahar chekkasiga raketa kelib tushishi ehtimoli haqida ogohlantirdi va zudlik bilan uylarida yashirinishga chaqirdi. Bu haqda “TASS” xabar bermoqda. 

“Bu raketa uchirilgani haqidagi ma’lumot. Raketa bizning mintaqaga kelib tushishi ehtimoli mavjud. Uylaringizga qaytishingiz va televizor hamda radioni yoqishingizni so‘raymiz”, — deyilgandi shaharning barcha nuqtalarida o‘rnatilgan ovozkuchaytirgichlar orqali o‘qib eshittirilgan shoshilinch xabarda. 

Taxminan 20 daqiqadan so‘ng rasmiylar mazkur xabarni rad etdi va bu uchun kechirim so‘radi.

Shahar ma’muriyatiga ko‘ra, J-Alert shoshilinch ogohlantiruv tizimini tekshirish ishlarini olib borgan xodim yanglishib, ogohlantirishni efirga berib yuborgan. “Daryo”ning Telegram’dagi rasmiy kanali — @toshqindaryo’ga a’zo bo‘ling!