Rossiya IIV: Peterburg metrosidagi terakt tashkilotchisi Rossiya fuqaroligidan mahrum qilinishi mumkin

Sankt-Peterburg metrosida yuz bergan terakt tashkilotchisi sifatida gumonlanayotgan Abror Azimov Rossiya fuqaroligini noqonuniy ravishda olgan bo‘lsa, fuqarolikdan mahrum qilinishi mumkin. Bu haqda Rossiya IIV migratsiya masalalari bosh boshqarmasi boshlig‘ining o‘rinbosari Valentina Kazakovaga tayanib, “Gazeta.ru” xabar berdi.

Hozirgi vaqtda Azimov tomonidan Rossiya fuqaroligi qay tartibda olinganligi tekshirilmoqda. Tekshiruv yakunlariga ko‘ra, unga huquqiy baho beriladi.

Uning sheriklari fuqarolikni noqonuniy tartibda olgani aniqlansa, Rossiya fuqaroligidan mahrum qilinishi mumkin.

“Daryo”ning Telegram’dagi rasmiy kanali — @toshqindaryo’ga a’zo bo‘ling!