Yaponiyada sotuvchisiz do‘konlar ishga tushadi

Yaponiyada beshta yirik supermarket sotuvchisiz, robotlashtirilgan do‘konlarni ishga tushirmoqda, deb xabar bermoqda “Kommersant”.

Ma’lum qilinishicha, ushbu do‘konlarda xarid qilinayotgan mahsulotlar narxi ular savatda turgan vaqtidayoq hisoblab, tayyor qilib qo‘yiladi. Bunda mahsulotlarga ularning narxi belgilab o‘rnatilgan maxsus chiplar yordam beradi.

Besh do‘konning barchasi mazkur loyihani amalga oshirish uchun bir xil texnologiyadan foydalanadi.

Iqtisodiyot, savdo va sanoat vazirligida ushbu texnologiya boshqa do‘kon va dorixonalarga ham tarqatilishi ma’lum qilindi.

Seven-Eleven kompaniyasining mahalliy bo‘linmasida yangi tizim yirik shaharlarda keyingi yildanoq ishga tushirilishi, butun mamlakat bo‘yicha esa 2025-yilgacha tarqatilishi ma’lum qilindi.

“Daryo”ning Telegram’dagi rasmiy kanali — @toshqindaryo’ga a’zo bo‘ling!