“Soyuz” raketasi Boyqo‘ng‘irdan Xalqaro koinot stansiyasiga yo‘l oldi

Boyqo‘ng‘ir kosmodromidan “Soyuz MS-04” kemasi bo‘lgan “Soyuz-FG” raketasi Xalqaro koinot stansiyasiga parvoz qildi. Bu haqda “Gazeta.ru” xabar bermoqda. 

Kema ekipaji rossiyalik kosmonavt Fyodor Yurchixin va amerikalik astronavt Jek Fisherdan iborat. Ekipaj tarkibi ilk bor uch kishidan ikki kishiga kamaytirildi. 

Shuningdek, “Soyuz” bortiga oziq-ovqat mahsulotlaridan iborat 70 kilogramm yuk ortilgan.

XKSda yangi ekspeditsiya tashrifini kosmonavt Oleg Novitskiy, astronavtlar Peggi Uitson (NASA) va Toma Peske (ESA) qarshi oladi.

“Daryo”ning Telegram’dagi rasmiy kanali — @toshqindaryo’ga a’zo bo‘ling!