“Yuventus”ning 3 futbolchisi Italiya Kubogi finalini o‘tkazib yuboradi

“Yuventus”ning uch nafar o‘yinchisi Italiya Kubogi finalida o‘z jamoasiga yordam bera olmaydi. Bu haqda Football Italia xabar bermoqda.

Manbaga ko‘ra, jarohat tufayli himoyachi Jorjio Kyellini, yarim himoyachi Aaron Remzi va hujumchi Gonsalo Iguain “Napoli” qarshi o‘yinda maydonga tusha olmaydi.

Ta’kidlash joizki, ular Italiya Kubogi yarim finalidan o‘rin olgan “Milan”ga qarshi javob uchrashuvi (0:0) qaydnomasiga ham kiritilmagandi.

Eslatib o‘tamiz, “Yuventus” va “Napoli” o‘rtasidagi final uchrashuvi 17-iyun, chorshanba kuni Rimda bo‘lib o‘tadi.

Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!