Qo‘qon shahriga yangi hokim, prokuror, IIB boshlig‘i va soliq inspeksiyasi rahbari tayinlandi

Rahmatali Jalilov Qo‘qon shahri hokimi etib tayinlandi. Bu haqda “Sof.uz” xabar bermoqda.

Rahmatali Jalilov 1958-yilda Farg‘ona viloyatining O‘zbekiston tumanida tavallud topgan. Toshkent Politexnika institutini tamomlagan. Farg‘ona viloyati hokimi o‘rinbosari lavozimida ishlab kelgan.

Qo‘qon shahar prokurori lavozimiga Buvayda tumani prokurori G‘ayratjon Fozilov tayinlandi.

Qo‘qon shahar IIB boshlig‘i lavozimiga Uchko‘prik tumani IIB boshlig‘i bo‘lib ishlab kelgan Ziyohiddin G‘ofurov tayinlandi.

Shahar davlat soliq inspeksiyasi rahbari lavozimiga ushbu idorada boshliqning birinchi o‘rinbosari lavozimida ishlagan Husan Usmonov tayinlandi.