Tramp Merkelga nega qo‘l uzatmaganiga yana bir bor izoh berdi

AQSh prezidenti Donald Tramp Germaniya kansleri Angela Merkelning Oq uyga tashrifi chog‘ida yuz bergan noqulay holatga yana bir bor izoh berdi. Bu haqda “MK.ru” xabar bermoqda.

“Bu bor-yo‘g‘i anglashilmovchilik bo‘lgandi. Kimdir ‘uning qo‘lini oling’ degandek bo‘ldi, biroq men eshitmadim”, — ta’kidladi AQSh prezidenti.

Trampga ko‘ra, Merkel bilan uzoq vaqt mobaynida muloqotda bo‘lgan va kanslerning tashrifi chog‘i u bilan jami to‘rt marotaba qo‘l berib ko‘rishgan.