UFC prezidenti: “Habibga vaqt kerak. Biz uni o‘z holiga qo‘yamiz”

UFC prezidenti Deyna Uayt 3-iyul sanasida otasi va murabbiyi ajralgan Habib Nurmagomedov haqida fikr bildirdi. Uaytning so‘zlariga ko‘ra, liga rossiyalik sportchiga qayg‘usini unutish uchun vaqt beradi.

“Abdulmanapning o‘limi – dahshatli fojia. O‘zimizni yomon his qilyapmiz. Biz Habib otasini qanchalik ardoqlagani va ularning munosabatlari qanchalik yaqin bo‘lganini bilamiz. Biz unga kerakli narsalarni qilish imkoniyatini beramiz. Uni bezovta qilmaymiz.

Habibga vaqt kerak. Unga keyingi rejalarini o‘ylab olishi uchun vaqt kerak. Keyinchalik buni birgalikda muhokama qilamiz, hozir esa uni o‘z holiga qo‘yish kerak”, — deydi Uayt.

Eslatib o‘tamiz, Abdulmanap Nurmagomedov 3-iyul kuni 57 yoshida yurak va miya insultidan so‘ng vafot etgandi.

Habib Nurmagomedov ham mag‘lubiyatga uchragan, faqat MMA’da emas (video)

Mavzuga doir: Kirovaul qishlog‘i Abdulmanap Nurmagomedov sharafiga qayta nomlanadigan bo‘ldi