Tojikistonda sel oqimi 100 kishini boshpanasiz qoldirdi

Tojikiston sharqida sel oqimi olti uyni yuvib ketdi. Bu uylarda jami 100 kishi istiqomat qilar edi, deb xabar beradi “Gazeta.ru”.

Favqulodda vaziyatlar qo‘mitasi matbuot kotibi Umed Yusupov bergan axborotga ko‘ra, sel Laxsh tumanining Ozodagon qishlog‘iga yopirilgan bo‘lib, tungi soatlar bo‘lgani uchun odamlar uylarini tark etishga arang ulgurgan.

Qurbonlar qayd qilinmadi. Mahalliy hokimiyat vakillari moddiy zararga baho bermoqda.