Samarqandda psixotrop dori vositalarining noqonuniy savdosiga chek qo‘yildi
Samarqand viloyat IIB Transportda xavfsizlikni ta’minlash boshqarmasi Jinoyat qidiruv bo‘limi tashabbusi bilan psixotrop dori vositalarining noqonuniy savdosiga chek qo‘yildi, — deya xabar berdi “Daryo” muxbiri Farhod Norbo‘tayev.
Ma’lum bo‘lishicha, 2020-yilning 11-iyul kuni soat taxminan 09:50 da Urgut tumanida yashovchi fuqaro B.U. 2,5 million so‘m evaziga sakkiz quti, jami 110 dona qadoqlangan “Lirika” psixotrop dorisini Sh. ismli shaxsga sotayotgan vaqtida qo‘lga olingan.
Boshqarma tezkor xodimlari tomonidan olib borilgan surishtiruv davomida fuqaro ushbu psixotrop dorilarni Toyloq tumanida tug‘ilgan O‘.B.dan sotib olganligi ma’lum bo‘lgan.
Samarqand viloyat transportda XTB JQB tezkor xodimlari tomonidan davom ettirilgan tadbirda fuqaro O‘.B. qo‘lga olinib, so‘roq qilingan. U “Lirika” psixotrop dorisini sotganini, dorini Toyloq tumanida tug‘ilgan M.X. ismli fuqarodan olganligini ma’lum qilgan.
Samarqand viloyat IIB transportda XTB JQB xodimlarining o‘sha kuni tadbiri davomida toyloqlik M.X. Damas rusumli avtomashinasida 63 quti, 882 dona qadoqlangan “Lirika” psixotrop dori vositasi bilan qo‘lga olingan.
Hozirgi kundan holat yuzasidan tergovga qadar surishtiruv ishlari olib borilmoqda.
Mavzuga doir:
Manba: Daryo.uz
ОПРОС
40)
(
0)
(
38)
(
2)
