Amerikaning Oregon shtatida rossiyalik ayol o‘ldirildi

Amerikaning Oregon shtati rasmiylari kuni kecha Benton okrugida sodir etilgan qotillik qurboni Rossiya fuqarosi 27 yoshli Anna Repkina ekanligini aniqladi. Bu haqda Associated Press agentligi xabar bermoqda, deb yozadi “Kommersant”.

Benton rasmiylarining ma’lum qilishicha, Anna Repkina Los-Anjelesga (Kaliforniya shtati) 1-mart kuni uchib kelgan.

O‘tgan hafta Oregon shtatining kimsasiz hududidan ayol kishining jasadi topilgan. Uning ensa qismiga o‘q uzishdan hosil bo‘lgan jarohat bo‘lgan.

“Ayol qatl etishdagi kabi boshining orqa qismiga o‘q uzilgan holda topilgan”, — deydi Benton okrugi prokurori yordamchisi Emi Matusko.

Qotillikda gumonlanib mahalliy fuqaro 27 yoshli Uilyam Xargrouv qo‘lga olingan.

“Daryo”ning Telegram’dagi rasmiy kanali — @toshqindaryo’ga a’zo bo‘ling!