Qoraqalpog‘iston teleradiokompaniyasi direktori vafot etdi

Qoraqalpog‘iston teleradiokompaniyasi direktori Baxitbek Elmonov 21-iyul kuni vafot etdi. “Xabar.uz”ning yozishicha, hozircha uning nima sababdan vafot etgani haqida aniq xabarlar ma’lum qilinmagan.

Baxitbek Elmonov 1972-yilda tug‘ilgan bo‘lib sentabrda 48 yoshni qarshi olgan bo‘lardi.

U 2018-yildan e’tiboran Qoraqalpoq teleradiokompaniyasi direktori lavozimida ishlab kelayotgan Baxitbek Elmonov “Jaslar TV” telekanali va “No‘kis FM” radiostansiyalarini tashkil qilgan.

Avvalroq “Radioaloqa, radioeshittirish va televideniye markazi”ning kapital qurilish bo‘yicha direktori Alisher Abduazizov, “Nihol” mukofoti sovrindori, xonanda Abror Parpiyev, Markaziy bank raisining sobiq o‘rinbosari Ashur Qodirov, O‘zbekistonda xizmat ko‘rsatgan madaniyat xodimi, rassom Zubaydulla Botirov, Ichki ishlar vazirligi Yo‘l harakati xavfsizligi bosh boshqarmasi axborot xizmati katta mutaxassisi, podpolkovnik Zoyir Saydaliyev vafot etgani haqida xabarlar berilgandi.