“Barselona” — “Napoli” va “Bavariya” — “Chelsi” uchrashuvlariga hakamlar tayinlandi

Yevropa Chempionlar Ligasi 1/8 final javob bahsidan o‘rin olgan yana ikki uchrashuvga hakamlar tayinlandi.

“Barselona” va “Napoli” o‘rtasidagi uchrashuvni Jyuneyt Chaqir boshchiligidagi turkiyalik hakamlar guruhi boshqarib boradi. Unga qanotlarda Baxattin Duran va Tariq O‘ngun yordam beradi. To‘rtinchi hakam — Halil Meler.

“Bavariya” — “Chelsi” uchrashuvi esa ruminiyalik Ovidiu Xatseganga ishonib topshirildi. Unga hamyurtlari Oktavian Shovre va Sebastyan George yordam beradi. To‘rtinchi hakam — Radu Petrusku.

Mavzuga doir: “Manchester Siti” — “Real”, “Yuventus” — “Lion” uchrashuvlarini boshqarib boradigan hakamlar ma’lum bo‘ldi

Ikkala uchrashuv Toshkent vaqti bilan 8-avgustdan 9-avgustga o‘tar kechasi 00:00 da boshlanadi. “Barselona” ilk uchrashuvda “Napoli” bilan 1:1 hisobida durang o‘ynagan, “Bavariya” esa mehmonda “Chelsi”ni yirik hisobda yengan — 3:0.

Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!