» » SpaceX tarixda birinchi bor bitta raketa-tashuvchini olti marotaba uchirishga erishdi

SpaceX tarixda birinchi bor bitta raketa-tashuvchini olti marotaba uchirishga erishdi


Ilon Maskning SpaceX kompaniyasi Starlink global internet doirasida yana 58 ta sun’iy yo‘ldoshdan iborat partiyani orbitaga uchirdi. Parvoz 18-avgust kuni NASAning Kanaveral sahrosidagi LC-40 start kompleksidan amalga oshirilgan.

Ta’kidlanishicha, Falcon 9 raketasi beshinchi marotaba kosmosga ko‘tarilib, yana ortiga qaytib kelgan. U SpaceX’ning olti marotaba uchirilib, muvaffaqiyatli qo‘ndirilgan ilk raketa-tashuvchisiga aylandi. Bunga qadar u Crew Dragon’ni XKSga, shuningdek, Starlink’ning uch partiya sun’iy yo‘ldosh internetini orbitaga uchirishga qatnashgan.

Bundan tashqari, ushbu parvoz SpaceX uchun yubileyga aylangan — 100-missiya va Falcon 9 raketasining 92-marotaba uchirilishi (u hozirda Amerikada eng ko‘p qo‘llanilayotgan raketa hisoblanadi).

Shuningdek, 2019-yilning may oyidan boshlab Starlink sun’iy yo‘ldoshi internet guruhi orbitaga 11-marotaba olib chiqilgan. Bundan oldingi 57 ta sun’iy yo‘ldoshli partiya 7-avgust kuni uchirilgan edi. SpaceX’ning hozirgi orbital guruhi 595 ta kosmik apparatdan iborat.

Falcon 9 hamroh dasturlar doirasida Planet Lab kompaniyasiga tegishli og‘irligi 100 kilogramm bo‘lgan uchta masofaviy zondlash apparatlari — SkySat’ni orbitaga olib chiqishi kerak. 18 ta sun’iy yo‘ldoshdan iborat mazkur guruh Yer tasvirini 72 santimetrga qadar aniqlikda generatsiya qilishga qodir.

Falcon 9’s first stage has landed on the Of Course I Still Love You droneship – first time a booster has completed six flights! pic.twitter.com/A8bbTinGOA

— SpaceX (@SpaceX) August 18, 2020

Raketa-tashuvchi boshqariluvchi qo‘nishni Kanaveraldagi kosmodromdan 630 kilometr uzoqlikdagi Atlantika okeanida joylashgan Of course I still love you suzuvchi platformasiga amalga oshirishi kerak.

Shu bilan birga, Ms.Tree va Ms.Chief maxsus dengiz qutqaruv kemalari Atlantikada parashyut orqali tushadigan raketa kallagini suv to‘rlari orqali “tutish”ga uringan. Ushbu suyri dvigatelni bu safar faqat Ms.Tree tutishga muvaffaq bo‘lgan. Ma’lum qilinishicha, undan qayta foydalanish SpaceX kompaniyasiga 6 million dollar tejash imkonini beradi.

Avvalroq Ilon Maskning global interneti tezligi test vaqtida 11-60 Mbit/soniya ko‘rsatkichni qayd etgani to‘g‘risida xabar berilgandi.

Mavzuga doir: SpaceX astronomlarni deb Starlink sun’iy yo‘ldoshlaridagi yorug‘likni kamaytiradi



Manba: Daryo.uz
Опубликовано: admin (19-08-2020, 17:11)
0 (голосов: 0)
Комментариев пока еще нет. Вы можете стать первым!

Добавить комментарий!


vote-iconОПРОС
Что нужно улучшить на нашем сайте?

КТО НА САЙТЕ?
( 42) ( 0) ( 40) ( 2)
Юзеры:
- отсутствуют
Гости:
Роботы:
Последние 20 посетителей... - отсутствуют