“Sevilya” Yevropa Ligasi rekordini o‘rnatdi

Ispaniyaning “Sevilya” klubi Yevropa Ligasining final uchrashuvida “Inter”ni mag‘lub etdi (3:2).

Shu tariqa “Sevilya” 6-marta UEFA Kubogi/Yevropa Ligasi g‘olibligini qo‘lga kiritdi.

Bungacha “Sevilya” 2006, 2007, 2014, 2015, 2016-yillarda ham musobaqa bosh sovriniga ega chiqqandi.

Qayd etish joiz, “Yuventus”, “Inter”, “Liverpul” va “Atletiko” klublari ham UEFA Kubogi/Yevropa Ligasida uch martadan g‘olib chiqqan.

Eslatib o‘tamiz, 2008/09-yilgi mavsumgacha ushbu musobaqa UEFA Kubogi deb atalgan, keyinchalik esa unga hozirgi (Yevropa Ligasi) nom berilgan.

Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!