» » Benksi O‘rta yer dengizidagi qochoqlarni qutqarish uchun kema sotib oldi. U ko‘cha rassmoning rasmi bilan bezatilgan

Benksi O‘rta yer dengizidagi qochoqlarni qutqarish uchun kema sotib oldi. U ko‘cha rassmoning rasmi bilan bezatilgan


Dunyoga mashhur ko‘cha rassomi Benksi Shimoliy Afrikadan O‘rta yer dengizi orqali Yevropaga boshpana ilinjida kelayotgan qochoqlar uchun kema xarid qildi, deb yozadi The Guardian.

Kema XIX asrdagi fransiyalik anarxist Luiza Mishel sharafiga nomlangan bo‘lib, uni hozirda qutqaruv operatsiyalari bilan shug‘ullanayotgan to‘qqiz kishidan iborat jamoa boshqarmoqda. Kema kapitani — dengizdagi insonlarni qutqarish borasidagi tarjibaga ega Pia Klimp.

Klempning aytishicha, u bilan Benksining shaxsan o‘zi bog‘langan. Benksi unga maktub yozib, qochoqlar muammosi ortidan biroz pul ishlab topgani va uni o‘zida qoldira olmasligini bildirgan. Shu sababli u bu pullarni insonlarga yordam berishga yo‘naltirishni istagan.

“Luiza Mishel” 18-avgust kuni Ispaniyaning Burriana portida dengizga chiqqan va 89 nafar qochoqqa yordam ko‘rsatgan (jumladan 14 nafar ayol va to‘rt nafar bola). Endilikda ekipaj ularni tushirish mumkin bo‘lgan portni qidirmoqda. Biroq ularga Liviya qirg‘oq qo‘riqchilari yetib olishi va qochoqlarni Liviyadagi maxsus lagerga olib ketish xavfi mavjud.

Kema yorqin pushti rangga bo‘yalgan bo‘lib, u Benksining surati bilan bezatilgan. Unda yurak shaklidagi qutqaruv aylanasini ushlab turgan qizaloq tasvirlangan. Bunga qadar 31 metrli yaxta fransuz bojxona xizmatiga tegishli bo‘lgan.

2020-yilda Liviyaga 7600 dan ortiq qochoq qaytarilgan, 19,5 mingdan ortig‘ig‘i esa Yevropaga qaytib ketgan. O‘rta yer dengizini kesib o‘tishda kamida 500 kishi halok bo‘lgan.

Mavzuga doir:



Manba: Daryo.uz
Опубликовано: admin (30-08-2020, 08:40)
0 (голосов: 0)
Комментариев пока еще нет. Вы можете стать первым!

Добавить комментарий!


vote-iconОПРОС
Кто вы по знаку зодиака?

КТО НА САЙТЕ?
( 68) ( 0) ( 67) ( 1)
Юзеры:
- отсутствуют
Гости:
Роботы:
Последние 20 посетителей... - отсутствуют