“Pochchamga Allohdan faqat sog‘liq so‘rayapmiz”. Muqaddas Sa’dullayeva Fathulla Mas’udovning vafot etgani haqidagi xabarlarni rad etdi

Ijtimoiy tarmoqlarda koronavirusning o‘ta og‘ir formasini boshdan kechirayotgan aktyor Fathulla Mas’udovning vafot etgani haqida xabarlar tarqaldi. Aktrisa Muqaddas Sa’dullayeva Instagram’dagi sahifasi orqali ushbu xabarlarning asosiz ekanligini ma’lum qildi.

Fatxulla Ma’sudov haqlariga duo qilayotganlar, Raxmat ilohim duolaringiz ijobat bo’lsin

A post shared by Sadullaeva Muqaddas (@muqaddas_sadullaeva) on Aug 30, 2020 at 9:40am PDT

“Telegram’da o‘ziga ‘ochko’ ishlash uchunmi, balki to‘g‘ri ko‘ngildami, Fathulla Mas’udov haqida har xil gaplar tarqatayotganlar diqqatiga! Iltimos, har xil gaplar tarqatmanglar! Pochchamning jonlari uzilgani yo‘q. Pochchamga hozir Allohdan faqat sog‘liq so‘rayapmiz”, — deydi Muqaddas Sa’dullayeva.

Shuningdek, O‘zbekiston Madaniyat vazirligi axborot xizmati ham jurnalist va blogerlardan feyk xabar tarqatmaslikni so‘radi.

Eslatib o‘tamiz, 25-avgust kuni O‘zbekiston xalq artisti Dilbar Ikromova koronavirus oqibatida vafot etdi.