Bag‘dodda avtomobil portlashi oqibatida olti kishi halok bo‘ldi

Bag‘dodning al-Karrada dahasida avtomobil portlashi oqibatida olti kishi halok bo‘ldi, yetti kishi jarohatlandi. Bu haqda Al Arabia xabar bermoqda.

Reuters’ning xavfsizlik xizmati vakiliga asoslanib xabar berishicha, portlash uchun javobgarlikni IShID terrorchilik tashkiloti o‘z zimmasiga olgan.

Reuters’ning qurbonlar soni haqidagi ma’lumotlari Al Arabia’nikidan farq qilmoqda: agentlik to‘rt politsiyachi halok bo‘lib, besh kishi tan jarohati olgani haqida yozmoqda.

IShID ekstremistik guruhi jahonning bir qator mamlakatlari va xalqaro tashkilotlar tomonidan “terrorchilik tashkiloti” deb topilgan.

“Daryo”ning Telegram’dagi rasmiy kanali — @toshqindaryo’ga a’zo bo‘ling!