» » Gruziya adliya vaziri Saakashviliga qamoqxonada eng yaxshi ovqat va’da qildi

Gruziya adliya vaziri Saakashviliga qamoqxonada eng yaxshi ovqat va’da qildi


Gruziya sobiq prezidenti Mixail Saakashvili gruzin qamoqxonasida mamlakatning boshqa mahbuslari kabi eng yaxshi oziq-ovqat bilan ta’minlanadi. Bu haqda Gruziya adliya vaziri Tea Sulukianiga tayanib, “Rustavi 2” xabar berdi.

“Bugungi gruzin qamoqxonasi eng yuqori xalqaro standartlar asosida boshqarilmoqda. Unda eng yaxshi ovqatlar bo‘ladi. Noyabrda hatto muzlatilgan go‘shtdan foydalanish ham taqiqlangan va mahbuslarni barra go‘sht hamda mavsumiy mevalar bilan “boqayapmiz”, bir necha turdagi menyu ishlab chiqqanmiz”, — deydi vazir.

Adliya vazirining ta’kidlashicha, Gruziya penitensiar tizimida barcha mahkumlar kimligidan qat’iy nazar bir sharoitdan foydalanadi. “Rost aytyapman, biz uchun barcha mahbuslar bir xil”, — deydi Sulukiani.

Adliya vazirligi rahbarining ma’lum qilishicha, Saakashvili ozodlikda yoki qamoqda bo‘lishidan qat’i nazar vahima uyg‘ota olmaydi, chunki mamlakatda amaldagi siyosiy hukumat yetarli darajada kuchli.

Avvalroq Mixail Saakashvili Gruziyadagi parlament saylovida muxolifat g‘alaba qozonsa, mamlakat bosh vaziri bo‘lishga tayyorligini bildirgandi.

Mavzuga doir: Ukraina hukumati Saakashvili nomzodini islohotlar bo‘yicha bosh vazir o‘rinbosarligiga tasdiqlamadi

Eslatib o‘tamiz, Ukraina prezidenti Vladimir Zelenskiy 2020-yilning 7-may kuni Gruziyaning sobiq prezidenti Mixail Saakashvilini prezident qoshidagi Islohotlar milliy kengashi tarkibiga kiruvchi Islohotlar ijroiya qo‘mitasi rahbari etib tayinlagandi.

Mixail Saakashvili 2015—2016-yillarda Ukrainaning Odessa viloyati ma’muriyatini boshqargan. 2017-yilda o‘sha vaqtdagi Ukraina prezidenti Pyotr Poroshenko bilan nizo tufayli Saakashvili mamlakat fuqaroligidan mahrum qilingandi. 2019-yilda Vladimir Zelenskiy Ukraina prezidentligi uchun saylovlarda g‘alaba qozongach, Saakashviliga mamlakat fuqaroligi qaytarib berildi.



Manba: Daryo.uz
Опубликовано: admin (9-09-2020, 22:55)
0 (голосов: 0)
Комментариев пока еще нет. Вы можете стать первым!

Добавить комментарий!


vote-iconОПРОС
Сколько времени в день вы проводите в социальных сетях?

КТО НА САЙТЕ?
( 30) ( 0) ( 28) ( 2)
Юзеры:
- отсутствуют
Гости:
Роботы:
Последние 20 посетителей... - отсутствуют