APL. “Chelsi” 4 ta gol urilgan o‘yinda ishonchli g‘alabaga erishdi

Futbol bo‘yicha Angliya Premyer Ligasining 1-turida “Chelsi” 14-sentabr, dushanba kuni “Brayton” maydoniga safar qildi.

Uchrashuvning 23-daqiqasida Jorjinyo penaltini muvaffaqiyatli ijro etgan holda londonliklarni oldinga olib chiqdi. Ikkinchi bo‘lim debyutida Leandro Trossard jarima maydoni tashqarisidan aniq zarba yo‘llab, muvozanatni tikladi.

Oradan ikki daqiqa o‘tib, Ris Jeyms uzoq masofadan chiroyli gol urdi. 66-daqiqada Kurt Zuma “ko‘klar”ning uchinchi goliga mualliflik qildi.

“Vulverhempton” jamoasi “Sheffild Yunayted” maydonida mehmon bo‘ldi va tezkor gollar evaziga g‘alabani qo‘lga kiritdi.

APL

1-tur bahslari

14-sentabr, dushanba

Gollar: 0:1 – 23, penalti Jorjinyo, 1:1 – 54 Trossard, 1:2 – 56 Jeyms, 1:3 – 66 Zuma.

“Brayton”: Rayan, Uebster, Uayt (Gross, 79), Dank, Lempti, March, Bissuma, Alsate (Jahonbaxsh, 79), Lallana (Konnolli, 45), Trossard, Mope.

“Chelsi”: Arrisabalaga, Alonso, Zuma, Kristensen, Jeyms, Jorjinyo (Aspilikueta, 85), Kante, Haverts (Hadson-Odoi, 80), Loftus-Chik (Barkli, 61), Maunt, Verner.

Ogohlantirish: Lempti (81).

Gollar: 0:1 – 3 Ximenes, 0:2 – 6 Saiss.

Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!