Misr sudi terrorchi guruh yetakchilarini qatlga hukm qildi

Qohira jinoyat sudi 2003-yildan buyon Misrda harakat qilgan terrorchi guruhning uch nafar yetakchisini o‘lim jazosiga hukm qildi. Bu haqda, prokuratura vakillariga asoslanib, “TASS” xabar bermoqda.

Aytilishicha, jinoyatchilar osib o‘ldirilishi ko‘zda tutilgan. Ulardan biri hali qo‘lga olinmagan bo‘lib, sirtdan hukm qilindi.

Yetakchilar orasida guruhning bevosita asoschisi Vahdi Gunaym ham bor.

Ekstremistik guruhning yana besh a’zosi umrbod qamoqqa hukm qilindi.

Hukm uzil-kesil bo‘lib, apellyatsiya imkoniyati yo‘q.