Robert Levandovski Bundesligada Klaus Fisherning rekordini takrorladi

“Bavariya” hujumchisi Robert Levandovski Bundesliga 1-turidan o‘rin olgan “Shalke-04”ga qarshi kechgan bahsda (8:0) gol urishga erishdi.

Polshalik futbolchi 31-daqiqada o‘zi ishlab olgan penaltini golga aylantirdi.

Shu tariqa Levandovski Germaniya chempionati 7 ta turli mavsumining 1-turida gol urishga erishdi. 32 yoshli hujumchi bu borada “Shalke-04” sobiq hujumchisi Klaus Fisherning rekordini takrorladi.

Robert mazkur o‘yinda gol urishdan tashqari ikkita golli uzatmani ham amalga oshirdi.

Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!