Abdulaziz Komilov MOPDMM rahbari Petko Draganov bilan uchrashdi

2017-yilning 30-aprel kuni O‘zbekiston Respublikasi Tashqi ishlar vaziri Abdulaziz Komilov Ashxobod shahrida BMTning Markaziy Osiyo uchun preventiv diplomatiya bo‘yicha mintaqaviy markazi (MOPDMM) rahbari Petko Draganov bilan uchrashdi. Bu haqda O‘zbekiston Respublikasi Tashqi ishlar vazirligi matbuot xizmati xabar bermoqda.

Suhbat chog‘ida O‘zbekiston bilan BMT, shuningdek, MOPDMM o‘rtasidagi hamkorlikning hozirgi holati va istiqbolli yo‘nalishlari, BMT Mintaqaviy markazi kun tartibining ustuvor yo‘nalishlari muhokama qilindi.

“Daryo”ning Telegram’dagi rasmiy kanali — @toshqindaryo’ga a’zo bo‘ling!