O‘zbekiston xalq baxshisi Shomurod baxshi 88 yoshida vafot etdi

O‘zbekiston xalq baxshisi Shomurod Mahmanov 88 yoshida vafot etdi. Bu haqda “Daryo”ga Chiroqchi tuman hokimligi axborot xizmati rahbari Sobit Raimqulov ma’lum qildi.

Ta’kidlanishicha, xalq baxshisi 1932-yil 3-mart kuni Chiroqchi tumanining Arabbandi qishlog‘ida tavallud topgan. 2000-yil “O‘zbekiston xalq baxshisi” unvoni bilan taqdirlangan.

Sobit Raimqulovning aniqlik kiritishicha, baxshi Shomurod Mahmanov 24-sentabr kuni vafot etgan.

Eslatib o‘tamiz, Mahmud Namozov va Hosila Rahimova repertuaridagi “Guldana” va “Mehkam chol” qo‘shiqlari Shomurod baxshi tomonidan yaratilgan va kuylangan.

Mavzuga doir: