Erdo‘g‘on Asadni prezidentlikdan tushirish uchun BMT Xavfsizlik kengashini isloh etishni talab qildi

Turkiya prezident Rajab Toyyib Erdo‘g‘on unga faxrli fan doktori unvoni berilishi munosabati bilan Dehlidagi universitetlardan birida nutq so‘zlayotib, BMT Xavfsizlik kengashini isloh qilishga chaqirdi, deb yozadi “Mk.ru”.

“Hindiston va islom dunyosi mamlakatlari vakillari bo‘lmagan BMT Xavfsizlik kengashidan qanaqa adolat kutish mumkin?” — dedi u.

Turkiya prezidenti ushbu organda veto huquqiga ega doimiy a’zolar bo‘lmasligi kerakligini yoqlab chiqdi.

“BMTning pozitsiyasiga qaramay, Suriyani hamon o‘zining bir millionga yaqin yurtdoshlarini yo‘q qilgan va davlat terrori siyosatini olib borayotgan Bashar Asad boshqarayotgan ekan, boshqa hech narsa haqida gapirishga hojat yo‘q”, — dedi Erdo‘g‘on.