Germaniyalik politsiyachilar avariyaga uchragan kuryer o‘rniga pitssani mijozlarga eltib berdi

Germaniyalik politsiyachilar avariyaga uchragan kuryer o‘rniga pitssani ko‘rsatilgan manzilga eltib berdi. Bu haqda TJournal xabar bermoqda.

29-aprel kuni Germaniya janubi-sharqidagi Gaggenau shahrida 46 yoshli pitssa yetkazish xizmati haydovchisi YTHga uchrab, shifoxonaga yotqizilgan. Mahalliy politsiya ma’muriyatining bildirishicha, YTH rasmiylashtirilganidan so‘ng politsiya xodimlari tashabbus ko‘rsatib, “biroz chayqalgan, ammo iste’molga yaroqli” pitssani mijozlarga yetkazib bergan.