BAA cho‘llarni sug‘orish uchun o‘z sohillariga aysberglarni tortib keladi

Birlashgan Arab Amirliklari cho‘llarni sug‘orish va sayyohlarni jalb qilish uchun Antarktida muz qoplamasidan sinib tushayotgan aysberglarni o‘z sohillariga tortib kelish rejalarini ma’lum qildi, deb yozadi “TASS”.

Mamlakatning National Advisory Bureau Limited konsalting kompaniyasi xodimlari aysberglar mintaqa uchun chuchuk suvning yangi manbaiga aylanishiga umid qilmoqda.

Kompaniya aysberglarni mamlakat qirg‘oqlariga olib kelishning o‘zi ham mintaqadagi iqlimning sezilarli ravishda o‘zgarishiga sababchi bo‘lishini taxmin etmoqda. Muzli tog‘ning atrofdagi havoni sovita olish xususiyatini hisobga olib, yog‘inlar ko‘payishiga umid qilishmoqda.