Kuba KXDR xalqini qo‘llab-quvvatlashini bildirdi

Kuba Davlat kengashi va Vazirlar kengashi raisi Raul Kastro Rus Gavanada Shimoliy Koreya kasaba uyushmasi rahbari Chju Yon Gil bilan bo‘lib o‘tgan uchrashuvda Koreya Mehnat partiyasi va KXDR xalqini qo‘llab-quvvatlashini bildirdi. Bu haqda KXDRning “Nodon sinmun” gazetasi ma’lum qildi, deb yozadi “TASS”.

Xabarda ta’kidlanishicha, Raul Kastro Koreya yarim orolidagi muhitni baholar ekan, “Koreya Mehnat partiyasi va KXDR xalqining adolatli kurashini to‘liq qo‘llab-quvvatlashini bildirdi hamda Kuba hamisha ular bilan birga yagona aksilamerika fronti tarkibida bo‘lishini qayd etdi”.

KXDR kasaba uyushmasi delegatsiyasi Gavanada bo‘lib o‘tayotgan tred-yunionlar xalqaro yig‘ilishida qatnashmoqda.

“Daryo”ning Telegram’dagi rasmiy kanali — @toshqindaryo’ga a’zo bo‘ling!